ბამბუკებისგან აწყობილი ბირთვი ნაღმების წინააღმდეგ

Mine Kafon: the low-tech tumbleweed minesweeper

13 ნოემბერი

ავღანელმა დიზაინერმა მასუდ ჰასანმა გამოიგონა მარტივი, ერთგვარი ბირთვის ფორმის მოწყობილობა, რომელსაც დანაღმულ ველზე ნაღმების აღმოჩენა და განადგურება შეუძლია. ავტორმა თავის მოწყობილობას „მაინ კაფონი“ უწოდა, ის ბამბუკის ღეროებისგან შედგება და იმდენად მსუბუქია, რომ სუსტი ქარის ძალით გორავს და თუ ნაღმს გადაეყარა, მას ადვილად აფეთქებს.

მსოფლიოში უდიდესი გუმბათოვანი შენობა სინგაპურში შენდება

World’s largest dome roof taking shape in Singapore

8 ნოემბერი

სინგაპურის უბან კალანში, უზარმაზარი სპორტული კომპლექსი ჯერ კიდევ შარშან უნდა აშენებულიყო, მაგრამ მსოფლიო ფინანსური კრიზისის გამო, მშენებლობის დასრულება კი არა, დაწყება შარშან ძლივს მოხერხდა. კომპლექსი 35 ჰექტარ ფართობს დაიკავებს და ის მწყობრში 2014 წელს ჩადგება. ეს კომპლექსი იმითაა გამორჩეული, რომ მის მთავარ ნაგებობას - ეროვნულ სტადიონს, მსოფლიოში უდიდესი გუმბათოვანი სტრუქტურა ექნება.

„ჰონდამ“ „ჰონდაჯეტის“ წარმოება დაიწყო

HondaJet enters production

6 ნოემბერი

„ჰონდა ეარკრაფტ კომპანიმ“ ოფიციალურად გამოაცხადა, რომ ბიზნეს კლასის რეაქტიულ თვითმფრინავ „HA-420 ჰონდაჯეტის“ წარმოება დაიწყო. ორლანდოში (ფლორიდა) გამართულ ბიზნეს ავიაციის ეროვნული ასოციაციის ყოველწლიურ კონფერენციაზე, „ჰონდამ“ გამოაცხადა, რომ „მსოფლიოში ყველაზე მოწინავე მსუბუქმა რეაქტიულმა თვითმფრინავმა“ მთავარი სატესტო პროგრამა წარმატებით გაიარა და ახლა სერტიფიკაციისა და მიწოდებაზე დრო დგება.

უჯრედის რეცეპტორის კვლევამ ქიმიის ნობელი მოიგო

Cell receptor research wins Americans chemistry Nobel

24 ოქტომბერი

ქიმიაში ნობელის 2012 წლის პრემია ორ ამერიკელ მეცნიერს (კარდიოლოგს) - 69 წლის რობერტ ლეფკოვიცს და 57 წლის ბრაიან კობილკას მიენიჭა. მათ აღმოაჩინეს ცილების ახალი კლასი, ეგრეთ წოდებული GPCR რეცეპტორები, რომლებიც GT-ფაზებითაა (G-ცილებით) შეკრული. უფრო გასაგებად, ესაა ცილები, რომლებიც საშუალებას გვაძლევს დავინახოთ, ვიგრძნოთ გემო და სუნი, აბალანსებენ გულისცემას, გვიცავენ სტრესულ სიტუაციებში და სხვა.

„კაბინეტის ოინი“ - სუპერკომპიუტერების გასაღები (ფიზიკა)

Nobel for quantum "parlour trick" that could make super computers

24 ოქტომბერი

ფიზიკაში ნობელის 2012 წლის პრემია ფრანგ სერჟ აროშსა და ამერიკელ დევიდ ვაინლენდს (ორივე 68 წლისაა) მიენიჭათ, რომლებმაც კვანტური ნაწილაკების გაზომვა და აღრიცხვა ისე შეძლეს, რომ მათი დაზიანება არ გამოუწვევიათ. მათი ნაშრომის საფუძველია გამოყენებული თანამედროვე ყველაზე ზუსტი საათების მუშაობაში. გარდა ამისა, ზემძლავრი, ეგრეთ წოდებული კვანტური კომპიუტერების შექმნაც სწორედ ამ კვლევის საფუძველზე გახდება შესაძლებელი.

ნობელი ზრდასრულთა ღეროვანი უჯრედების შესწავლისთვის (მედიცინა)

UK, Japan scientists win Nobel for adult stem cell discovery

23 ოქტომბერი

ბრიტანელმა და იაპონელმა მეცნიერებმა, 79 წლის ჯონ გარდონმა (კემბრიჯის ინსტიტუტი, ბრიტანეთი) და 50 წლის შინია იამანაკამ (კიოტოს უნივერსიტეტი, იაპონია), რომლებმაც ისეთი ქსოვილის შექმნის მეთოდოლოგია შეიმუშავეს, რომელსაც ემბრიონის უჯრედებივით მოქმედება შეუძლია, მედიცინაში ნობელის პრემია დაიმსახურეს. ამ მეთოდის გამოყენებით, ემბრიონული უჯრედების გამოუყენებლად, ემბრიონის მსგავსი უჯრედებით, დაზიანებული ორგანოების, მაგალითად ტვინის, გულის და სხვათა ქსოვილების აღდგენაა შესაძლებელი.

„ლიკვიდპისტონზის“ ზეეფექტური როტორული ძრავი

LiquidPiston Explains Ultra-Efficient X2 Rotary Engine

23 ოქტომბერი

თითქმის 150 წელია გასული მას შემდეგ, რაც ადამიანმა შიდაწვის ძრავი გამოიგონა. ამ დროის განმავლობაში, ის ძალიან დაიხვეწა, ეფექტური, სუფთა და ეკონომიური გახდა, რაც ძრავის სხვადასხვა ნაწილებით აღჭურვის შედგია - ტურბო და მექანიკური დამჭირხნები, ჰაერის, საწვავის და ზეთის ფილტრები, კატალიზატორები, საწვავის უშუალოდ წვის კამერაში მიწოდების სისტემები, ფრქვევანები და უამრავი რამ, სწორედ ეფექტურობის გაუმჯობესებას ემსახურება.

ფელიქს ბაუმგარტნერი - ბგერაზე სწრაფად მფრინავი ავსტრიელი (ვიდეო)

Felix Baumgartner breaks record for high-altitude skydiving

15 ოქტომბერი

„ხანდახან ძალიან მაღლა უნდა ახვიდე იმისათვის, რომ კარგად გააცნობიერო, რამდენად პატარა ხარ“, - ნათქვამი აქვს ფელიქს ბაუმგარტნერს, ვინც კვირას, ოთხი წარმოუდგენელი რეკორდის ავტორი გახდა, რითაც კაცობრიობის ისტორიაში, სამუდამოდ დაიმკვიდრა ადგილი.

ყველზე მომუშავე დრეგსტერის სიჩქარის რეკორდი (ვიდეო)

Cheese-powered dragster sets speed record for vehicle of its class

4 ოქტომბერი

ბარონმა მიუნხჰაუზენმა ისეთ პლანეტაზე იმოგზაურა, სადაც მიწის ნაცვლად ყველია და რძის მდინარეები მოედინება... სახელოვანი მეზღაპრის ისტორია მართლაც სახალისოა და ალბათ, ამ სათაურის წაკითხვისას პირველ რიგში, სწორედ ის გაგახსენდებოდათ. მაგრამ ნუ იჩქარებთ, თანამედროვე მიუნხჰაუზენის ისტორიას არ გიყვებით.

„ბლადჰაუნდი“ სარეკორდო ავტომობილის ძრავის ტესტირებას იწყებს

BLOODHOUND car's rocket system to be tested

2 ოქტომბერი

მარცხნიდან: გრინი, ჯაბი და ნოუბლი

ბრიტანული გუნდი „ბლადჰაუნდი“, რომელიც ლეგენდარული რიჩარდ ნოუბლის მიერაა ჩამოყალიბებული და რომელსაც თავადვე ხელმძღვანელობს, სახმელეთო სიჩქარის მორიგი რეკორდისთვის ემზადება. ამ ეტაპზე, სარაკეტო ძრავის ტესტირების დრო დადგა, რომელსაც ნიუქვეი კორნუელის აეროპორტში ჩაატარებენ. ტესტი სტატიკური იქნება, რომლის წარმატებულობის შემთხვევაშიც, ძრავს უკვე სარეკორდო ავტომობილ „ბლადჰაუნდ SSC-ზე“ დააყენებენ.

მეორე მსოფლიო ომის ვეტერანმა ქარის უსაფრთხო ტურბინა შექმნა

WWII veteran creates bird-friendly wind turbine

27 სექტემბერი

მეორე მსოფლიო ომის ვეტერანმა, კალიფორნიის ქალაქ ჯეკსონში მცხოვრებმა 89 წლის გამომგონებელმა რეიმონდ გრინმა შეიმუშავა უცნაური კონსტრუქციის ქარის ტურბინა, რომელსაც არ აქვს ჩვეულებრივი ტურბინებისთვის დამახასიათებელი გრძელი ფრთები და აქედან გამომდინარე, არის აბსოლუტურად უსაფრთხო ფრინველებისთვის და არის უხმაურო.

ქარის ენერგია ელექტრომობილებისთვის (ვიდეო)

UGE installs its first wind-powered EV charging station

19 აგვისტო

ბარსელონაში მუშაობა დაიწყო მსოფლიოში პირველმა, ქარის ენერგიაზე მომუშავე დამმუხტავმა სისტემამ, რომელიც ენერგიას აბსოლუტურად დამოუკიდებლად გამოიმუშავებს. სისტემას „სანია სკაიპამპი“ ჰქვია. მასში ინტეგრირებულია ამერიკულ კომპანია „ურბან გრინ ენერჯის“ (UGE) 4-კილოვატიანი ტურბინა და „ჯენერალ ელექტრიკის“ დამმუხტავი სისტემა „ვატსტეიშნი“. ამ დანადგარის წყალობით, შესაძლებელი იქნება ელექტრომობილების აბსოლუტურად სუფთა მეთოდებით გამომუშავებული ენერგიით დამუხტვა.

ნანორობოტი C ჰეპატიტის ვირუსის წინააღმდეგ - პირველი გამარჯვება

Nanorobot takes on hepatitis C virus, wins

31 ივლისი

ფლორიდს უნივერსიტეტის მკვლევარებმა, პროფესორებმა, ჩარლზ ცაომ და ჩენ ლიუმ შეიმუშავეს ნანო მოწყობილობა, რომელსაც მეცნიერებაში ახალი გარღვევის მოხდენა შეუძლია. ამ მოწყობილობას სამკურნალო დანიშნულება აქვს და მისი იმგვარად მომართვა შეიძლება, რომ დაავადების გამომწვევი ორგანიზმების, ვირუსების და ბაქტერიების გენების აქტივობა დაარღვიოს.

ქუთაისის კოპიტნარის აეროპორტის სამეთვალყურეო კოშკურა

მსოფლიოს უნიკალური ტაუერების რიგებში საქართველოც მოხვდა. მსოფლიოს წამყვანი ქვეყნების განსხვავებული დიზაინისა და განსაკუთრებული იერის სამეთვალყურეო კოშკურები სახელმწიფოს კიდევ უფრო მეტ პრივილეგიებს აძლევს. საქართველო არასდროს ყოფილა იმ ქვეყნების რიგებში, რომლის სამეთვალყურეო კოშკურები სიმაღლითა და დიზაინით პირველ ხუთეულში არიან. ქუთაისის სამეთვალყურეო კოშკურა, რომლის მშენებლობაც სექტემბრისთვის სრულდება, სწორედ რომ მათ შორისაა. ეს კი იმას ნიშნავს, რომ ჩვენი ქვეყანა კიდევ უფრო პრივილეგირებულია მსოფლიო ბაზარზე.


გიორგი კარბელაშვილი

წყალბადზე მომუშავე ბოლიდი შიდაწვისძრავიანების წინააღმდეგ

Hydrogen-powered race car takes on petrol-powered competitors

18 ივლისი

უკვე 14 წელია, რაც მსოფლიოს არაერთი ტექნიკური უნივერსიტეტის სტუდენტები, ერთმანეთს მათ მიერვე შექმნილი პატარა სარბოლი ავტომობილებით ეჯიბრებიან. ბევრგან ამ შეჯიბრს „ფორმულა სტუდენტს“ უწოდებენ და ის იმიტაცაა საყურადღებო, რომ მისი ჟიურის წევრებს შორის, თითქმის ყოველთვის, ფორმულა ერთში სახელმოხვეჭილ ადამიანებს ნახავთ.

უნივერსალურ სარაკეტო-რეაქტიულ ძრავს წარმატებული ტესტები ჩაუტარდა

SABRE on course to chill SKYLON into orbit

16 ივლისი

ბრიტანულმა აეროკოსმოსურმა კომპანია „რეაქშნ ენჯინსმა“ გამოაცხადა, რომ მის მიერ შემუშავებულ რევოლუციურ უნივერსალურ სარაკეტო-რეაქტიულ ძრავს ერთ-ერთი მთავარი ელემენტის, წინასწარი გამაგრილებელი სეგმენტის წარმატებული ტესტები ჩაუტარდა. ძრავი SABRE-ს (სინერგიული აირით მსუნთქავი სარაკეტო ძრავი) სახელითაა ცნობილი და ის ერთ-ერთი მთავარი ელემენტია უფრო ფართომასშტაბიანი პროექტისა, რომელიც უნივერსალურ კოსმოსურ ხომალდ „სკაილონის“ აგებას ითვალისწინებს.

ავტომობილი ქარის ძალით, ქარზე ორჯერ სწრაფია (ვიდეო)

Wind-Powered Car Travels At Twice the Speed of the Wind

11 ივლისი

 შიდაწვისძრავიანი ავტომობილების ეპოქა მალე ჩაივლის. ადამიანი ასეთი აგრეგატების ექსპლუატაციას მას შემდეგაც გააგრძელებს, რაც ნავთობის მარაგი ამოიწურება, მაგრამ რა თქმა უნდა, არა იმ მასშტაბით, როგორითაც ახლა. ამჟამად მეცნიერები ავტომობილისთვის ენერგიის ალტერნატიულ წყაროებს ეძებენ. ჯერჯერობით, ყველაზე მისაღები ელექტროენერგია ჩანს. თუმცა არიან გამომგონებლები, რომლებიც ალტერნატიულ, ხშირად კი რეალობისგან შორსმდგარ გადაწყვეტებსაც კი გვთავაზობენ.

„კონკორდის“ შემცვლელს ფარნბოროში გაგვაცნობენ

"Son of Concorde" to fly London-to-Sydney in 4 hours?

28 ივნისი

„კონკორდის შვილი“

„კონკორდის შვილი“ - ამჟამად ასე მოიხსენიებენ მომავლის ზებგერით თვითმფრინავს, რომელსაც ლონდონიდან სიდნეიმდე მგზავრების ოთხ საათში გადაყვანის უნარი ექნება. მისი სიჩქარე 4 000 კმ/სთ-ს მიაღწევს, რაც „კონკორდის“ მაქსიმალურ სიჩქარეზე თითქმის ორჯერ მეტია.

„ტოიოტა პრიუსი“ - ავტომობილი და გენერატორი სახლისთვის

Toyota vehicle-to-home technology turns Prius Plug-in into an emergency generator

28 ივნისი

აქამდე ელექტრომობილს განიხილავენ, როგორც გადაადგილების ეკოლოგიურად სუფთა საშუალებას, რომელიც შეიძლება სახლის საყოფაცხოვრებო შტეპსელიდან დაიმუხტოს. „ტოიოტამ“ ახლახანს შეიმუშავა სქემა, რომელიც მის პლაგ-ინ ჰიბრიდულ „პრიუსს“, სატრანსპორტოს გარდა, სხვა დანიშნულებასაც ანიჭებს - ავტომობილი მისი მფლობელის სახლის ენერგომომმარაგებელი შეიძლება გახდეს. რა თქმა უნდა, საჭიროების შემთხვევაში.

ბაქოსთან მსოფლიოს უმაღლესი ცათამბჯენი აშენდება

World's tallest building proposed for Azerbaijan

30 მაისი

ორი წელია, მსოფლიოს უმაღლესი ცათამბჯენის სტატუსი, დუბაის „ბურჟ ხალიფას“ ეკუთვნის, რომლის სიმაღლეც 828 მეტრია. მაგრამ არაა გამორიცხული, მალე ეს საპატიო წოდება აზერბაიჯანის დედაქალაქ ბაქოს საკუთრება გახდეს. საქმე ისაა, რომ ბაქოს სანაპირო ზოლში, ხელოვნური არქიპელაგის გაშენებაა გადაწყვეტილი, რომლის ერთ-ერთ ცენტრალურ კუნძულზეც, 1050 მეტრი სიმაღლის „აზერბაიჯან ტაუერი“ აიგება. ეს კი, საუდის არაბეთში მშენებარე „კინგდამ ტაუერის“ სიმაღლეზე 50 მეტრით მეტია.

„პანასონიკი“ „მდგრად ინტელექტუალურ ქალაქს“ ააშენებს

Panasonic Plans to Build a 'Sustainable Smart Town' in Japan by 2014

29 მაისი

იაპონიაში შარშან მომხდარი მიწისძვრისა და ცუნამის შემდეგ, ქვეყანაში ერთიმეორის მიყოლებით იხურება ატომური ელექტროსადგურები, რასაც შედეგად ელექტროენერგიის დეფიციტი მოჰყვა. მართალია, ამ დეფიციტის შევსება ხერხდება, მაგრამ ამის მიუხედავადაც, იქ სულ უფრო მეტ აქტუალობას იძენს ენერგიის განახლებადი წყაროების ათვისება. ამ საქმეში კი ერთ-ერთი ავანგარდისტი ხდება ელექტრონიკის მწარმოებელი გიგანტი „პანასონიკი“, რომელმაც მომავლის ქალაქის პროექტი - „ეკოლოგიურად მდგრადი ინტელექტუალური ქალაქი“ შეიმუშავა და თავის რვა პარტნიორ კომპანიასთან ერთად, მის განხორციელებას აპირებს.

ლოს ანჯელესში შენობათა სახურავებს მზის ენერგიის მისაღებად გამოიყენებენ

LA opens rooftops for solar energy installations

21 მაისი

დღესდღეობით, ენერგიის მისაღებად, მზის ელემენტებს ძირითადად ქალაქგარეთ იყენებენ და თან ისეთ მხარეებში, სადაც მზე ყველაზე ინტენსიურად ასხივებს. მაგალითად, უდაბნოში. ქალაქებში კი მზის ელემენტებს, რომლებიც ელექტროენერგიას გამოიმუშავებს, შედარებით იშვიათად შეხვდებით და ისიც, ძირითადად საწარმოების სახურავებზე. მაგრამ მზის ენერგიისადმი ასეთი არასრულყოფილი მიდგომა მალე შეიცვლება და ამ საქმის ავანგარდში, ამერიკის შეერთებულ შტატებში ეკოლოგიაზე ყველაზე მეტად მზრუნველ შტატ კალიფორნიის უდიდესი ქალაქი ლოს ანჯელესი მოგვევლინება.

დუბაის წყლის დისკური სასტუმრო წყალქვეშ ძილის მსურველთათვის

Dubai Water Discus hotel will allow guests to sleep underwater

16 მაისი

გლობალური ეკონომიკური კრიზისის გამო, დუბაიში მშენებლობათა ტემპები მნიშვნელოვნად შემცირდა, ბევრი პროექტი გაიყინა, თუმცა ამის მიუხედავად, ემირატების ქალაქში მაინც ბევრი საინტერესო რამ ხდება. იქ მსოფლიოს უმაღლესი შენობა ააგეს, მის მახლობლად, მსოფლიოს უდიდესი სავაჭრო მოლია, სანაპიროსთან კი მსოფლიოში უდიდესი ხელოვნური კუნძულები განლაგდა. იქვე უდიდეს დახურულ სამთო კურორტზე დასვენებაცაა შესაძლებელი...

„ფოლკსვაგენის“ ვირტუალური მონავარდე ბორბალი (ვიდეო)

Volkswagen People's Car Concept Hovers its Way into Virtual Reality

10 მაისი

კონცეპტუალურ და იმავდროულად, მხოლოდ ვირტუალურად არსებულ უცნაურ ავტომობილს, რომლის ასევე ვირტუალური ვიდეოც, კომპიუტერის გამოყენებით შეიქმნა, „ფოლკსვაგენმა“ „მონავარდე მანქანა“ უწოდა.

პედლებიანი სუპერავტომობილი (ვიდეო)

Pedal-powered 'supercar' isn’t the wheel dea

10 მაისი

ამ მანქანას სუპერ ავტომობილისა მხოლოდ გარეგნობა აქვს - ის „ფერარი FFX-ის“ სტილშია შესრულებული, თუმცა ისეთი ნელია... აბა რა იქნება, მას ხომ ძრავის ნაცვლად, ადამიანი ამოძრავებს. უფრო სწორედ, მისი ფეხები. ავსტრიელმა მხატვარმა ჰანეს ლანგედერმა თავისი უცნაური ახირება რეალობად აქცია. პლასტიკური მილების, კილიტასა (ფოლგის) და მუყაოსგან, იტალიური კომპანიის ერთ-ერთი ყველაზე გამორჩეული ავტომობილის ასლი შექმნა. და მას „ფარადი ფარფალა“ უწოდა.

იაპონური სათამაშო ტრანსფორმერი ( ვიდეო)

Japanese man makes the best Transformers model we've ever seen

10 მაისი

ფილმი ტრანსფორმერები ვის არ უნახავს. ალბათ წარმოდგენაც კი ძნელია იმისა, თუ რა მექანიზმი უნდა ჰქონდეს მანქანას, რომელიც წამებში ლითონის მონსტრად გარდაიქმნება. მაგრამ ზოგს ფანტაზიის იმდენად მდიდარი უნარი აქვს, რომ არამხოლოდ წარმოუდგენია, არამედ მსგავს სტრუქტურებს, ტანაც მასშტაბური მოდელის სახით, თავად ქმნის...

ძველი ბორანი მცურავი საცურაო აუზის როლში

Ferry converted into movable floating swimming pool to open in August

9 მაისი

აუზი მდინარეზე - ეს გართობის სფეროს სიახლეა, რომელიც ევროპაში სულ უფრო პოპულარული ხდება. ყველაფერი კი იმით დაიწყო, რომ ჩინელმა არქიტექტორმა დონ-პინ ვონმა ნიუიორკელებს საინტერესო იდეა შესთავაზა - მოტივტივე საცურაო აუზი მდინარე ჰადსონზე. პროექტი, სახელად „+პულ“, ჯერ არ განხორციელებულა. სამაგიეროდ, ევროპაში უკვე ორი მსგავსი აუზი მოქმედებს.

ისრაელში კიბოს საწინააღმდეგო ვაქცინა შეიმუშავეს

Breakthrough: Israel is Developing Cancer Vaccine

2 მაისი

ებრაულმა კომპანია „ვაქსილ ბიოთერაპევტიკსმა“ შეიმუშავა თერაპიული ვაქცინა, რომელსაც კიბოსთან ბრძოლის საქმეში, ნამდვილი გარღვევის მოხდენა შეუძლია. მისი შემქმნელები ვარაუდობენ, რომ ვაქცინის დახმარებით, კიბოზე ნამკურნალებ პაციენტთა 90 პროცენტი, დაავადების დაბრუნებისგან დაცული იქნება.

ელექტრული თვითმფრინავი რეალობას უახლოვდება

Inside The First Production-Ready Electric Airplane

2 მაისი

დიდი ხანია, ავიაინჟინრები ელექტროენერგიაზე მომუშავე თვითმფრინავის შექმნას ცდილობენ, მაგრამ ამ მიზნის მიღწევაში, ორი მთავარი წინააღმდეგობა უშლით ხელს. ჯერ ერთი, ელემენტები, რომლებმაც ელექტროძრავები ენერგიით უნდა უზრუნველყოს, მეტისმეტად მძიმეა და მეორეც, იმავე ელემენტების ენერგო ტევადობა არაა საკმარისი იმისათვის, რომ თვითმფრინავმა უსაფრთხო, მეტნაკლებად შორეული ფრენა შეასრულოს. ამ ორი ფაქტორიდან გამომდინარე, მეტისმეტად დიდია ავარიის შესაძლებლობა - აკუმულატორში ენერგიის ამოწურვას გარდაუვლად მოჰყვება ავარიული დაშვება...

ქარის მფრინავი ტურბინა იაფფასიან ენერგიას იძლევა

Floating wind turbines to produce low cost renewable energy

2 აპრილი

ამერიკულმა კომპანია „ალტაეროს ენერჯიზმა“ უჩვეულო კონსტრუქციის ქარის ტურბინა შეიმუშავა, რომელიც ჩვეულებრივ ქარის ტურბინებთან შედარებით, იაფ ელექტროენერგიას გამოიმუშავებს. დანადგარმა უკვე გაიარა პირველი გამოცდა. ის ქალაქ ლაიმსტოუნში (შტატი მეინი), ლორინგის კომერციულ ცენტრში ჩატარდა. რგოლის ფორმის მქონე გასაბერმა სტრუქტურამ, 107 მეტრის სიმაღლეზე აიტანა მის ცენტრში მოთავსებული ქარის ტურბინა, რომელმაც ენერგია გამოიმუშავა. ტესტის დასრულების შემდეგ, დანადგარი უსაფრთხოდ დაეშვა ხმელეთზე.

პირველივე ტესტმა აჩვენა, რომ საჰაერო ტურბინას ჩვეულებრივ ქარის სადგურზე ორჯერ მეტი ენერგიის გამომუშავება შეუძლია. ამას კი ის ფაქტორი განაპირობებს, რომ დიდ სიმაღლეზე ქარი უფრო სტაბილური და ინტენსიურია. ამასთან, არსებობს ვარაუდ, რომ მფრინავი ტურბინის 300 მეტრის სიმაღლეზე ასვლის შემთხვევაში, ქარის ენერგიის ღირებულება დაახლოებით 65 პროცენტით შემცირდება.

„ენვიამ“ რეკორდულად ტევადი ელემენტი შეიმუშავა

Envia Systems claims energy density record for lithium-ion batteries

2 აპრილი

კალიფორნიაში ბაზირებულმა კომპანია „ენვია სისტემზმა“ გამოაცხადა, რომ ლითიუმ-იონურ ელემენტებში ენერგიის რეკორდულად მაღალ სიმკვრივეს მიაღწია. გავრცელებულ ინფორმაციაში ნათქვამია, რომ ექსპერიმენტული ელემენტების ენერგოტევადობამ კილოგრამზე 400 ვატ-საათს მიაღწია. ეს კი ორ-სამჯერ მეტია იმ ელემენტების ტევადობაზე, რომლებსაც თანამედროვე ელექტრომობილებზე იყენებენ. უფრო მეტიც, „ენვია“ ირწმუნება, რომ მისი სპეციალისტების მიერ შემუშავებული ელემენტები არსებულ ლითიუმ-იონურ ელემენტებზე ორჯერ იაფიც ეღირება.

ჰიდროგელი გულის დაზიანებულ ქსოვილს აღადგენს

Hydrogel could grow new heart tissue, without the need for surgery

1 აპრილი

მსოფლიოს წამყვანი უნივერსიტეტები და მეცნიერები ბევრს ფიქრობენ და შრომობენ იმაზე, რომ გულის შეტევის შედეგად დაზიანებული უჯრედების და ქსოვილების აღდგენა შეძლონ. მართალია, ორგანიზმი თავად ახერხებს გულის დაზიანებული ქსოვილის აღდგენას, მაგრამ ახალი ქსოვილი იმ თვისებებით არ გამოირჩევა, რაც გულს სჭირდება. ასე რომ, ადამიანის მთავარი მამოძრავებელი აგრეგატი ძალას თანდათან კარგავს.

ჯეიმს კამერონმა მარიანის ღრმული მოინახულა

James Cameron Completes Record-Breaking Mariana Trench Dive

31 მარტი

კანადური წარმოშობის ამერიკელმა კინორეჟისორმა ჯეიმს კამერონმა, კიდევ ერთი აღიარება მოიპოვა, ოღონდ ამჯერად არა კინოს სამყაროში. ის გახდა პირველი ადამიანი, ვინც ეულად მოინახულა ჩვენი პლანეტის ყველაზე ღრმა ადგილი - მარიანის ღრმული. ამასთან, ის გახდა მესამე ადამიანი, ვისაც ოდსმე ამ სიღრმისთვის მიუღწევია.

ახალი ტექნოლოგია მზის ელემენტების ფასს შეამცირებს

New production process could cut solar cell prices by half

25 მარტი

მზის ენერგიის უფრო ეფექტურად ასათვისებლად, ერთ-ერთ საუკეთესო გამოსავლად, მზის ელემენტების მარგი ქმედების კოეფიციენტის გაზრდაა მიჩნეული. არის მეორე გზაც - ამ ელემენტების გაიაფება. ამ შემთხვევაში, უფრო მეტი ენერგიის მისაღებად, ელემენტების რიცხვის ზრდაც საკმარისი იქნება. მისისიპიში ბაზირებულმა კომპანია „ტუინ ქრიკს ტექნლოჯიზმა“ შეიმუშავა მზის ელემენტების წარმოების სრულიად ახალი პროცესი, რომელიც უფრო მეტი და ეფექტური ელემენტის ორჯერ იაფად წარმოების საშუალებას იძლევა.

„გუდიარი“ კოსმოსის მკვლევარებისთვის „ზამბაროვან საბურავებს“ ქმნის

Goodyear develops new 'Spring Tire' for space exploration

16 მარტი

„გუდიარის“ სპეციალისტები სრულიად ახალი, შემდეგი თაობის საბურავების შესაქმნელად მუშაობენ, საბურავების, რომლებსაც კოსმოსის მკვლევარები, ყველგანმავალ ბორბლიან როვერებზე გამოიყენებენ. ეს უჩვეულო საბურავებია, რომლებიც არც რეზინს შეიცავს და რომელშიც ჰაერი არ გროვდება. მათი სამუშაო ზედაპირი პიანინოს მავთულებისგანაა მოქსოვილი და ტიტანის თამასებითაა შეკრული.

ლოტუსი, რომელიც მზის სხივებს აგროვებს

Multi-use solar collector inspired by lotus flower

5 მარტი

რა კავშირი შეიძლება არსებობდეს ყვავილ ლოტუსსა და ენერგეტიკას შორის? პირდაპირი არც არანაირი. მაგრამ თურმე, ყვავილის ბუნების შესწავლით, მეცნიერებმა შეიძლება შთაგონების ისეთი წყარო მიიღონ, რომელიც მათ ძალიან სასარგებლო სიახლის შექმნამდე მიიყვანს.

სწორედ ასე მოხდა კომპანია „მონარხ პაუერის“ შემთხვევაში, რომლის ინჟინრებმაც, დანადგარი სახელად „მონარხ ლოტუსი“ (თავიდან მას სოლარ ამბრელა, ანუ მზის ქოლგა ერქვა) შეიმუშავეს. მას სწორედ ლოტუსის ფორმა აქვს და განსაკუთრებით ეფექტურად აგროვებს როგორც სითბოს, ასევე შეუძია, ამ სითბოს ელექტროენერგიად გარდაქმნა.

„გოუჯეტ“ - უპილოტო თვითმფრინავი რეკორდული სიჩქარით

Record-breaking supersonic UAV jet in the works

4 მარტი

კოლორადოს უნივერსიტეტის აეროკოსმოსური დარგის ინჟინერი რაიან სტარკი მუშაობს უპილოტო ჰიპერბგერით თვითმფრინავზე, რომელიც მისი თქმით, თავის კლასში ყველაზე სწრაფიც იქნება და რომელიც საწვავის ეკონომიური ხარჯვით უნდა გამოირჩეოდეს.

იაპონური კომპანია კოსმოსურ ლიფტს 2050 წლისთვის გვპირდება

Japanese company plans to have space elevator "up" and running by 2050

29 თებერვალი

იაპონური სამშენებლო კომპანია „ობაიაში კორპორეიშნი“ გვპირდება, რომ 2050 წლისთვის კოსმოსურ ლიფტს აამოქმედებს. როგორც გაზეთი „დეილი იომიური“ იუწყება, კოსმოსური ლიფტით შესაძლებელი იქნება როგორც მგზავრების გადაყვანა, ასევე კოსმოსურ სადგურზე ტვირთის ატანა. ტრანსპორტირება სპეციალური ვაგონით განხორციელდება, რომელიც ნახშირბადოვანი ნანომილაკებისგან შემდგარ კაბელზე იმოძრავებს. ლიფტის მეშვეობით, ჩვენი პლანეტიდან მთვარემდე არსებული მანძილის მეოთხედის გავლა იქნება შესაძლებელი.

„სანფლაუერი“ სახლს მზის შუქით გაგინათებთ

The Sunflower focuses sunlight where you want it

29 თებერვალი

შტატ მასაჩუსეტსში ბაზირებული კომპანია „ვიკოდას“ მიერ შექმნილი დანადგარი, სახელად „სანფლაუერი“ (მზესუმზირა), თქვენი სახლის ფანჯარას მზის სხივს იმ შემთხვევაშიც სტყორცნის, თუ მანათობელი სახლის მეორე მხრიდან ანათებს. სისტემა ჩვეულებრივი ჰელიოსტატია. მის მთავარ დეტალებს სარკეების სისტემა წარმოადგენს, რომელსაც ძრავიანი მექანიზმი ავტომტურად იმ მხარეს მიმართავს, საითაც დაავალებთ. მზის მოძრაობის კვალობაზე, ჰელიოსტატის სარკეების განლაგება ისე იცვლება, რომ ისინი სასურველი მიმართულებით სხივს მაინც გზავნიან. ამაში კი სპეციალური სენსორული სისტემა ეხმარება.

„მოლერი“ ახალი ტიპის მფრინავ ავტომობილზე მუშაობს

MOLLER INTERNATIONAL DEVELOPS TWO NEW LIGHT-SPORT SKYCARS

15 თებერვალი

ამერიკულმა კომპანია „მოლერ ინტერნეიშნლმა“ გამოაცხადა, რომ უკვე დაასრულა ორი მსუბუქი სპორტული საფრენი აპარატის შემუშავების პირველი ეტაპი. ამ ორიდან, ერთი ერთადგილიანი მანქანაა, რომელსაც სახელად „სკაიქარ 100LS“ უწოდეს, ხოლო მეორე - „სკაიქარ 200LS“, ორადგილიანია. ამ ორ მანქანას, ძრავების განლაგებაც განასხვავებს. კერძოდ, „სკაიქარ 100LS-ზე“ ისინი მანქანის ცხვირსა და კუდშია განლაგებული, „სკაიქარ 200LS-ზე“ კი - გვერდებზე.

ბრიტანეთში ქარის ელექტროსადგურების უდიდესი საზღვაო ფერმა ამოქმედდა

14 თებერვალი

ბრიტანეთში, ირლანდიის ზღვის სანაპირო ზოლში, ქარის ახალი ელექტროსადგური ამოქმედდა, რომელშიც „სიმენსის“ წარმოების 102 უზარმაზარი ტურბინაა გაერთიანებული. ტურბინების ფრთების დიამეტრი 107 და 120 მეტრია. ელექტროსადგურს ენერგიით 320 000 სახლის უზრუნველყოფა შეუძლია.

როლერ ქოსტერი უწონადობის შეგრძნებით

A Roller Coaster That'll Leave You Weightless for Eight Long Seconds

7 თებერვალი

დღეისათვის, მსოფლიოში უსწრაფესი როლერ ქოსტერი (ეგრეთ წოდებული ამერიკული გორაკები), სახელად „ფორმულა როსა“, აბუ დაბიში, „ფერარის“ მსოფლიო გასართობ ცენტრში მოქმედებს. ის იტალიური კომპანიის მონაწილეობით შეიმუშავეს და რა თქმა უნდა, მისი ვაგონები „ფერარის“ ფორმულა ერთის ბოლიდებს მოგაგონებთ, მათზე გასეირნებით კი მძაფრი შეგრძნებები გარანტირებული გაქვთ.

ამერიკელებმა მართვადი ტყვია შეიმუშავეს

7 თებერვალი

ამერიკული ჯარის განკარგულებაში, მალე მართვადი ტყვიები გამოჩნდება, რომლებიც მიზანს ლაზერული სხივის დახმარებით მიაღწევენ. პენტაგონის დაკვეთით, ასეთი იარაღის პროტოტიპი კორპორაცია „სანდიას“ (კომპანია ლოკჰიდ მარტინს ეკუთვნის) ეროვნულ ლაბორატორია „სანდიას“ სპეციალისტებმა შეიმუშავეს. ტყვია ჯერ მხოლოდ პროტოტიპის სახით არსებობს, თუმცა ლაბორატორიაში ჩატარებულმა ცდებმა და კომპიუტერულმა მოდელირებამ ცხადყო, რომ ის სრულიად განხორციელებადია.

ჩინელებმა 15 დღეში 30–სართულიანი სასტუმრო ააგეს (ვიდეო)

31 იანვარი

ჩინეთის პროვინცია ჰუნანში, მშენებლობის მსოფლიო რეკორდი დამყარდა – კომპანია „ბროუდ სასტეინებლ ბილდინგის“ (BSB) 200–ს მშენებლებს სულ რაღაც 360 საათი ეყოთ მიმისათვის, რომ 30–სართულიანი სასტუმრო T30 აეგოთ. თანაც, მათ არამხოლოდ მზიდი სტრუქტურა ამოიყვანეს და გარედან მოაპირკეთეს, არამედ მთლიანად კეთილმოაწყვეს და დამკვეთს ჩააბარეს.